【測試】繁忙時間北上過關，東鐵屯馬綫邊間5G最順最穩定？

【測試】繁忙時間北上過關，東鐵屯馬綫邊間5G最順最穩定？




, 2023-08-25


復常後北上食買玩已成為香港人假日主要節目之一。講到過關去深圳，鐵路絕對係熱門選擇，更有唔少網友想Down定套戲，等過關後等車等餐廳時慢慢睇。今次筆者就特別喺繁忙時間，到東鐵綫及屯馬綫各站進行實地測試，睇睇各台實際5G上網表現，究竟邊間台喺繁忙時間有最快最穩定表現呢？



屯馬綫5G 實測

周末北上食買玩，唔少網友都會選擇搭近年開通的屯馬綫，因為不論轉車到高鐵站或深圳灣亦同樣方便。今次筆者就選擇沿綫的柯士甸、南昌及朗屏等站，除了在4pm – 7pm 繁忙時間做測試，更特別等到列車入站的人流高峰時，以自動選取測試基站方式執行《SpeedTest》測試各台5G表現。實測人流最多時各台的5G實際表現！

朗屏站

▲第一站先去到屯馬線的朗屏站月台，測試結果中SmarTone表現最理想，下載速度達310Mbps，相比最慢的網絡商A僅得44Mbps，兩者相差近8倍速度！

南昌站

▲於屯馬線南昌站月台測試可見，SmarTone的下載及上載速度分別為260Mbps及72.6Mbps，表現同樣拋離其他三間網絡商，當中網絡商B下載及上載速度最慢，只有 54.5Mbps及44.7Mbps。

柯士甸站

▲最後一站去到屯馬線的柯士甸月台測試網速，發現網絡商A、B、C 都只得40Mbps以下的速度，分別是 27Mbps、8.7Mbps 及 36.8Mbps 下載速度，只有SmarTone下載網速「過百」，錄得160Mbps下載/56.6Mbps上載網速，表現算是拋離其餘各台。

由旺角東到粉嶺站，測試 5G 表現比你睇

東鐵綫直通羅湖及落馬州，亦是北上必經之路。筆者今次選定旺角東、大圍、火炭及粉嶺4個重點車站月台測試5G網絡。另外亦會測試觀看4K YouTube 影片串流、用WhatsApp下載約 100MB 的檔案等實際網絡體驗。

旺角東站

▲ 在旺角東站月台往羅湖方向，大量乘客上下車時，SmarTone 5G 以 283Mbps 下載、84.6Mbps 上傳穩定表現佔優，而網絡商Ｂ下載速度為157Mbps屈居第二，網絡商A下載速度為46.6mbps，而網絡商C下載速度則只有34.mbps令人大跌眼鏡。

▲ 用WhatsApp交代工作事絕對係香港打工仔日常。今次就模擬旅程中要突然修改大型檔案文件，測試在旺角東站月台往羅湖方向，用用WhatsApp 接收約 100Mbps 的檔案，用SmarTone網絡只需8秒62就完成。

▲ 而在旺角東站，嘗試透過 SmarTone 5G 遊玩《Call of Duty: MOBILE》，整場遊戲流暢無延遲感，畫面顯示的延遲穩定在30ms左右，搭緊車都唔怕因 Lag 機或 Ping 值過高影響遊戲體驗表現。

▲北上按摩修甲或餐廳等位，有時都想下載定影片睇，今次就利用 SmarTone 5G 在旺角東月台用 Netflix下載一集115.MB的動畫，只需8秒左右就完成。

大圍站

▲ 去到雙線交匯的大圍站，乘客上下車時間 SmarTone測得563Mbps下載速度，為四台中最高速，亦比排第二的網絡商C 271Mbps下載速度多出1倍以上。而網絡商Ａ及B則以145Mbps及114Mbps下載速度完成測試。

火炭站

▲ 在東鐵綫火炭站進行測試，SmarTone 5G 仍擁有高速的《SpeedTest》上下載成績，尤其下載部份穩定程度相當明顯，分別以428Mbps 的下載速度及91.3Mbps的上載速度輕鬆跑嬴。

▲至於另一項坐車必備娛樂串流睇片，經 SmarTone 5G 於火炭站用《YouTube》播放 4K 解像度影片，就算在人流最誇張的下班時間，仍可近乎無停頓地作串流播放，就算隨心地快進快退影片進程，都無礙播放順暢度表現。

▲同場實測用SmarTone 5G 在火炭站上載一條約346MB的4K片到 YouTube，只需6秒完成，對於習慣拍Shorts拍Reels的網友來講，打卡分享就可省卻漫長等待。

粉嶺站

▲ 在東鐵綫粉嶺站月台，下班時間過關人潮堪稱逼爆月台。實測SmarTone 5G《SpeedTest》表現仍舊穩定出眾，下載速度達297Mbps。而網絡商Ａ及Ｃ下載速度受人流影響，分別只有82Mbps及84. 5Mbps。而網絡商B的上載速度更只有45.5Mbps。

總結- 繁忙時間5G質素差距更明顯

最後來總結測試結果，今次測試東鐵綫 + 屯馬綫共7站5G 表現，整體上還是SmarTone網絡表現最快最順。筆者亦觀測到，SmarTone另一優勢是夠穩定，各站的網速表現不會有太大波動，尤其是今次測試在繁忙時間進行，幾乎人人低頭上網「搶奪」網絡資源，網絡質素分野就更見明顯。四台中只有SmarTone可以一直保持流暢網絡體驗，穩定性勝人一籌。

SmarTone最近亦確認已在尖東、奧運、東涌、九龍站、元朗、香港站、荃灣、天水圍、太古、上環、康城、機場、屯門、將軍澳、迪士尼站等幾十個港鐵車站，用他們獨家的850MHz頻段鋪設5G網絡，擴充網絡容量，上網聽歌、睇片、打機都會更流暢。平時多用港鐵出行的網友，可以多多留意！








Categories: 手機生活





   編者   

Mobile Magazine

Mobile Magazine