長假更多食住玩商戶優惠，自由鳥毛公仔限定曯目登場！

長假更多食住玩商戶優惠，自由鳥毛公仔限定曯目登場！




, 2021-04-02


千呼萬喚、期待已久嘅自由鳥限定公仔出世鳥！仲帶埋最新嘅商戶優惠同用戶一齊過一個開心又安心嘅假期。



2D嘅自由鳥平時就見得多，今次自由鳥跳出手機框框，變成3D立體毛公仔同大家見面，仲要有「無腳嘅雀仔」同「有腳嘅雀仔」兩個版本！每套包括一大、一細嘅自由鳥毛公仔同特別版萬字夾 (定價HK$200)，仲免運費配送至全港Alfred Locker智能櫃。限量版毛公仔套裝只限自由鳥用戶購買，數量有限，要買就快啲登入Birdie Mobile App搶啦！

自由鳥除咗無合約之外，一直都為用戶搜羅至抵嘅獨家商戶優惠，無論係食住玩都有，放長假就唔怕無嘢做！除咗請飲賞茶，喺「賞茶」門市購買任何正價飲品有HK$7折扣優惠之外，四月第一個「Birdie Friday」仲有火熱限定嘅麥當勞「煙燻麥炸雞」，詳情記住留意Birdie Mobile App嘅公布。想暫時遠離煩囂，好好享受一個悠閒假期？自由鳥用戶凡透過指定優惠碼入住帝京酒店客房一晚，就可以免費享用花月庭自助午餐(兩位用)、藍莓芝士蛋糕 (半磅)同紅酒。呢個四月就可以同摰愛或者朋友好好輕鬆下！

同時，自由鳥亦明白額外嘅健康保障對上班一族嘅重要性。自由鳥特別聯乘Bowtie推出嘅投保優惠繼續加碼，成功投保任何「Bowtie自願醫保」計劃或「Bowtie危疾保」計劃並輸入獨家優惠碼，就可以享有30GB本地數據獎賞及高達HK$2,000 Bowtie Cash，就算足不出戶都可以買到一份安心！








Categories: 新料速報





   編者   

YURI@MobileMagazine

YURI@MobileMagazine