又到復活節長假，唔少人已經執定行李準備衝機場！今時今日去旅行，冇數據真係寸步難行～導航、搵食、打卡、視像報平安，樣樣都要靠上網。除咗臨急抱佛腳去鴨記搵SIM卡，仲有咩方法可以外旅上網？今次就幫大家比較分析一下！
外遊上網方法大比拼：邊個最方便？
最方便: 電訊商漫遊數據服務
相信有用過的用家都知，外遊上網最方便的，始終是用本地電訊商提供的漫遊數據服務！其中一個主因是無需更換SIM卡，登記選用外遊套餐後，一落機就可以立即上網，毋須額外設定，非常省時省事。同時漫遊數據於大部份海外國家都可支援多於一個網絡商，咁樣用戶就可以因應網絡接收情況揀選不同網絡商，確保上網更流暢穩定。
值得一提的是，漫遊數據期間仍可如常接收SMS短訊以至通話，可以收到驗證碼短訊就對於登記及使用當地叫車服務、餐廳訂位系統等更加方便。另外在中國內地，透過漫遊數據更可如常用Facebook、Instagram、WhatsApp等社交平台。
▲電訊商漫遊數據服務最大好處是可以落地即上網，像筆者去年經成田機場入境日本，就好在有SmarTone漫遊數據，落機時填寫Visit Japan Web生成入境QR Code都無問題。
預付外遊SIM卡是另一個熱門外遊上網選擇，「鴨記」等更有大量不同地點、日數的SIM卡可選，用家可以按旅程長短作選購。不過出發之前，記得留意使用這類上網SIM時，部分可能需要用家自行更改APN等手機上網設定，操作上較為繁複，另外選購時亦要留意部分SIM由於不設客服支援，人在異地遇上網絡問題時，未必可以即時查詢及解決問題，隨時「求助無門」。
如果用家選擇落地買SIM，另外要注意現時不少地區在購買SIM卡時，都要求出示護照進行實名登記，除了增添一道額外手續，若在非官方或第三方渠道購買，更要小心個人資料被不當保存或洩露的風險。
▲預付外遊SIM選擇多，但要留意使用時是否需要自行更改APN等手機上網設定。
▲ Wi-Fi蛋以往也是外遊熱門選擇。雖然可以多人同時使用，但就要成日就住個蛋嚟行，旅程間無得分開掃貨。另外額外帶多個裝置，就意味要擔心Wi-Fi蛋冇電，又要預留時間租機還機及俾按金，使用上比較麻煩。
買一次用足三個假期 SmarTone彈性靈活的漫遊產品選擇
雖然各大電訊商都有提供漫遊數據日費或其他按用量收費的外遊套餐，但其實靈活度都各有不同，筆者留意到SmarTone不論是按量收費的「亞太/環球地區漫遊數據通」，或日費方式的「漫遊數據多日通」，都有長達三個月的使用期限，復活節假期用唔晒，嚟緊五一、佛誕都可以繼續用，買一次用足三個假期，夠晒方便。
另外SmarTone 在全球旅遊熱點都有多個網絡覆蓋，可按需要手動連接其他網絡商，對比一般只支援單一網絡商的外遊SIM，SmarTone漫遊數據室內外上網都更穩定流暢。
▲SmarTone「亞太/環球地區漫遊數據通」可以靈活用盡10GB全速漫遊數據，買一次用足三個假期都OK！
亞太/環球地區漫遊數據通 靈活用全速漫遊數據
SmarTone「亞太/環球地區漫遊數據通」計劃包10GB亞太/環球漫遊數據，有效期長達90日，用家可以好彈性咁，自行揀點用全速漫遊數據，就算今個復活節旅行用唔晒，下次五一、佛誕長假都可以繼續用。如果用的是家庭Plan，更可以留俾小朋友出發去遊學團時使用，並可按需要加購數據包。
漫遊數據多日通 全速上網打卡必備
如果係日日要狂影相拍片嘅話，可以揀無限數據的「漫遊數據多日通」，每日有1.2GB高速數據+無限數據包底，每日上網唔使計住計住。
另外SmarTone「漫遊數據多日通」有效期長達3個月，用剩的日數同樣可以留返下次旅行或北上繼續用，而且現時4日裝亞太區漫遊數據多日通優惠價只需$138，即買即用啱晒復活節4日假期快閃出發！
▲SmarTone「漫遊數據多日通」覆蓋全球各大旅遊熱點，每日更有1.2GB全速漫遊數據！
現時SmarTone兩大漫遊數據服務在復活節期間都有優惠，可用手機的CARE App或者瀏覽網站了解優惠詳情：https://bit.ly/4lsKbQk。
旅行時最怕就係唔見電話，就算當地可以買返部手機臨時使用，但都無辦法拎返自己張SIM卡保持聯絡。有見及此，SmarTone全港首推免費「外遊備用 SIM 」服務，只要是PriorityPlus Premium 會員，就可以出發前先到門市免費領取備用 SIM。一旦唔好彩在外地遺失 SIM 卡，都可以透過電話或經網上即時對話，於核對身份後15 分鐘內，啟動備用 SIM保持聯繫，唔使擔心失聯上唔到網。
▲SmarTone全港首推免費外遊備用 SIM 服務，可以帶埋備用SIM出發隨時啟用，外遊時多一份安心。
【同場加映】外遊必知手機設定7大貼士 慳Data+避開額外收費秘技
準備外遊，唔只要搵機票酒店，上網設定都一樣重要。以下6個簡單設定，幫你慳數據、避不必要額外收費，出發前記得Check清楚！
1. 預先下載離線地圖 + 旅遊資訊
出發前先用Wi-Fi下載好 Google Maps 離線地圖、當地交通App或旅遊指南，慳流量又穩陣。
2. 關閉自動更新／備份功能
為免系統、App 或相片自動備份用晒外遊數據，上機前記得暫停用流動數據：
- App Store／Google Play 自動更新
- iCloud／Google Photos 自動備份
- 系統更新
- 社交平台自動播放影片
3. 外遊訊號不穩定？手動切換網絡 + 關閉副卡
如旅遊時網絡不穩定，可以到手機設定，用「手動搜尋網絡」功能切換至訊號更佳的當地網絡商；另外部分雙卡手機可以暫時關閉副卡，有助提升主卡訊號穩定性。
4. 啟用VoLTE功能
不少地區（包括內地、台灣、日本、澳洲）已關閉3G網絡，如不開啟VoLTE功能，可能無法打電話。建議使用支援VoLTE的手機，並於到埗後開啟功能，以確保通話及數據服務正常運作。
5. iPhone用戶請關閉「口訊即時睇」（Live Voicemail）
如你使用 iOS 18或以上系統的 iPhone，建議外遊期間關閉「口訊即時睇」，避免產生不必要漫遊通話費。
6. 額外提示：如無需來電轉駁，出發前記得關掉
外遊時如果不打算接聽任何來電，建議離港前關閉「來電轉駁」功能，避免額外收費。回港後再重新啟用即可。
- 【HUAWEI Watch 健康管理全攻略】科學化監測＋個人化建議！
- 細屏旗艦 OnePlus 13T 確認 4/24 發佈！S8 Elite 測試參數、主要功能配置曝光
- Samsung One UI 7 官方升級時間表曝光！這些手機最快今月推送、A 系裝置首次現蹤
- Ulefone 5G 三防旗艦 Armor 28 Ultra Thermal Version 在港上市!
- 【復活節外遊攻略】外遊上網方法大比拼 慳Data貼士+隱藏福利
