又到聖誕，編輯部 Gadgets 聖誕禮物之選！

又到聖誕，編輯部 Gadgets 聖誕禮物之選！




, 2024-12-19


又到聖誕，相信大大小小嘅 Christmas Party，嚟緊嘅日子都等住大家！買一份精美又實用嘅聖誕禮物，朋友同事收到，自己都開心！所講嘅當然唔係乜嘢Puzzle相架之類啦。小編當然要搜羅一啲至新至抵嘅數碼 gadgets 聖誕佳品俾大家，男女老幼都啱用，邊個擁有都用得着！接下來呢幾款產品，都係幾百蚊、一千蚊以內嘅貨仔，budget唔高但性價比高，梗有一款啱你買嚟送俾朋友，甚至係女性好友！



Torrii Torrihealth Sanrio 按摩眼罩 $399

Torrii 跟Sanrio 聯承嘅產品 Torriihealth 按摩眼罩，有Cinnamoroll、Hello Kitty 及 Kuromi 三款可愛造型，唔止俘虜咗女仔嘅心，就算男仔戴住都有意想不到嘅Cutie效果！眼罩配合柔和嘅振動按摩，促進眼部周圍血液循環，同時紓緩眼部疲勞，讓眼神明亮。備有 4 組按摩模式，包括睡眠、動態模式，可針對緩解眼部不適、疲勞、浮腫等問題，佢仲係採用透視設計，所以可以戴住嚟係屋企行嚟行去，又或者坐定定一路按摩一路睇戲追劇亦得。聖誕新年去玩唔夠瞓，用返個按摩眼罩舒緩一下靈魂之窗，啱晒！


▲眼罩鬆緊可作調校，在按摩時同時釋放溫和熱力。

thecoopidea SANRIO BOOMBOX 卡式機造型無線藍牙喇叭 $399

thecoopidea SANRIO BOOMBOX 卡式機造型無線藍牙喇叭提供三款可愛 SANRIO 卡通造型，包括 Cinnamoroll、Hello Kitty 及 Kuromi，就咁睇呢個設計好有80年代卡式機嘅Feel！喇叭支援藍牙 5.3 連接，又可備有 TF 卡插槽，讓你播放心儀歌曲。喇叭面版更加設有 RGB 色彩漸層，一邊聽歌一邊演化出唔同嘅色彩，更具視覺效果，唔想佢不斷轉色都可以熄咗佢，變返一台靜態嘅可愛藍牙喇叭擺設。聖誕新年有親朋好友上嚟，用呢部機嚟播歌搞氣氛就最適合不過！

▲得意復古造型，好像80年代帶出街的大型卡式播放機。

Victrola EASTWOOD II 藍牙黑膠唱盤 $899

Victrola 呢個美國音響牌子，新出咗第二代入門級嘅Eastwood II 黑膠盤，以廣受好評嘅原版 Eastwood 唱片機的品質和功能為基礎，採用更新嘅復古設計及全新材料來增強功能同風格。3 速（33 1⁄3、45、78 RPM）黑膠盤，內建、客製化調音揚聲器帶來無與倫比音質。呢部黑膠盤同之前一樣，用上名廠Audio Technica 鐵三角 AT-3600LA 唱頭，提高清晰度。透過 Vinyl Stream 技術，本身內置咗藍牙喇叭，但用家都可以用藍牙連接其他喇叭或者耳機，以內建耳機插孔供私人聆聽或使用 RCA 輸出連接到您現有嘅音響系統，想點聽都得。幾百蚊就可以買到一部多功能嘅名牌黑膠盤，絕對係入門之選。

▲機身背後有齊輸出輸入功能，以入門機來說性價比超高。

SPLIT 3-in-1 CD 播放機 $998

SPLIT CD機由藍牙喇叭與CD播放器兩部分組成，可在合體狀況下使用，也可以在分體狀況下進行分別使用，除了藍牙功能之外，駁上其他喇叭或者有線耳機亦可，可攜式設計，輕巧方便。用上Pioneer專屬雷射頭，30秒記憶防震。全白或者全透明嘅機身，簡約亦富時代感，放喺屋企書櫃或者辦公桌慳位又時尚，想聽返以前嘅 CD，又或者依家想儲返時下偶像嘅實體CD，就算你繼續使用串流音樂，收藏嘅 CD 都唔會變得無用武之地，呢部咁方便嘅 CD 機就大派用場。

▲全透明的機身有另一種吸引力。








Categories: 新料速報





   編者   

YURI@MobileMagazine

YURI@MobileMagazine