新一年，相信大家都有到朋友作客拜年，會玩下魚蝦蟹、打麻雀，發下新年財熱鬧一下。如果你問我牛年邊一個方位係財位，小編唔係堪輿學家，確實答唔到你。不過如果係講屋企接收旺位，邊個位設定擺放 WiFi 收得最好，我就可以教教大家新一年擺個靚陣，無論你用緊 NETGEAR, Asus, Linksys 或是 TP-Link 咩牌子 Router 都好，都可以輕鬆設定一個家中全是 WiFi 吉位的 Mesh WiFi 網絡，咁新一年就一定網路亨通上落平安了。
Mesh WiFi 網絡或者大家聽過，但又未係好理解是什麼。Mesh WiFi 就是透過網絡連接，將 WiFi 訊號從路由器主機，傳送到衛星路由器，從而令到網絡覆蓋範圍，比傳統 WiFi 路由器廣闊得多。香港居住環境常用一套兩件 (主機 + 衛星) 的 Mesh WiFi 套裝，已經可以覆蓋大約 600-800 呎 (實用面積) 範圍。
由於 Mesh WiFi 之間是以網絡頻段連接，當設定 Mesh WiFi 網絡時，就會佔用了一整條頻段。如想網絡更穩定速度更高，而且可連接更多裝置，小編建議大家入手近年最流行的 WiFi 6 三頻 Mesh WiFi 路由器。因為佔用了一條頻段作 Mesh WiFi 網絡時，還有兩條頻段可以使用，連接的穩定性將會更高。
例如用三頻 NETGEAR Orbi Mesh WiFi 6 RBK752 二件套裝，在實用面積 613 呎的海濱花園 3 房單位做例子。由於石屎牆對 WiFi 訊號影響極大，如果用傳統路由器，覆蓋範圍只局限於客廳、廚房 (圖中左下角部份)、洗手間及洗手間對面房間。使用 Mesh WiFi 網絡，在客廳設置主機，在洗手間對面房間或圖中右上角的房間靠近牆壁的位置加入衛星路由器 (圖中紅色或橙色位置)，就可透過衛星路由器發出的訊號，將 WiFi 網絡傳到左上角及右上角的房間。
NETGEAR Orbi Mesh WiFi 6 RBK752 設定 Mesh WiFi 網絡亦十分簡單，透過 Orbi App，系統會教大家一步一步去做。首先將 Lan 線連接到主機黃色的 Internet Port，然後用相機掃瞄主機封條上的 QR Code，手機就會到主機預設的 SSID 進行網絡連接，連接後找尋衛星路由器，組成 Mesh WiFi 網絡。
將主機連接到衛星路由器時，用家可以憑機身底部的訊號燈，了解連線品質，藍色為良好、橙色為一般、紫色為無法連線。如果大家建立 Mesh WiFi 時，看到衛星路由器出現紫色燈，代表它與主機的距離太遠，兩者距離需要近一點才能連接。
設定後，用家可從 Orbi App 內，了解 Mesh WiFi 連接裝置數目、網絡地圖與網絡速度，當然重新設定 SSID 或建立訪客 WiFi，亦可在 App 內輕鬆做到。NETGEAR Orbi Mesh WiFi 6 RBK752 還會自動安裝 NETGEAR Armor 安全服務，可讓用家的網絡及網絡裝置，提供更安全的網絡保護。
最後，如果大家仍然對自行安裝比較無信心，擔心不能建立 Mesh WiFi 網絡，不用怕，NETGEAR 香港官方旗艦店亦提供購買後的上門安裝服務 (價錢為 HK$488)，有親切的技術人員到府上為用家提供安裝擺放 WiFi 的專業意見，品牌有呢方面的著想，實在貼心。
