Google Assistant 竟然識用廣東話回應提問、講笑、唱歌，但有一個功能做唔到？

智能家居已經係大勢所趨，以 Apple Siri、Google Assistant、Amazon Alexa 為首的三大語音助理系統，亦發展得相當之成熟，三者中以 Siri 支援廣東話，而受到香港的蘋果用家支持，不過 Google 能夠連接更多第三方品牌，加上大家都早已習慣使用 Google 的服務，所以 Google Home 卻是三者中比較多人選擇作為智能家居的核心部份。 雖然 Google 的發展很快，獲支援的品牌亦較多，如 netzhome、Netgear、TCL、Arlo 等等，不過其語音系統至今仍未有推出支援最適合香港人用的廣東話，所以始終在香港仍未能掀起再大的熱潮。 但近日有網友在 Youtube 上分享了一段名為「Google home 廣東話」的影片，而當中更可以見到擁有 Display 既 Google Home 竟然可以用本土廣東話與用家流暢對答，回應用家的指令，例如講笑話、唱歌等等。 再深入分析影片，當中用家說出 「Hey Google，早晨」，Google Assistant 馬上作出回應，讀出當區天氣、交通資訊、同步顯示 Google Map 路線等每日摘要，但到了即時新聞一環，Goole 就表示未能提供。

用 routines 功能作出一系列回應

有此可見，這位用家應該透過電話內的 《Google Home》app 設定了只限美國地區用戶才可使用的 「routines」功能，亦即是使用「關鍵字」如「早晨」、「晚安」，便會觸發系統作出組合式的連串回應，如影片中的讀出資訊，或者可連上其他家電，進行開關、調控冷氣溫度。 我地編輯部睇完條片之後，都覺得好驚訝，唔通 Google 又有更新？於是即時上官網睇睇，先發現原來未有相關消息，至於依位網友點解可以解鎖成就，睇返留言，佢自己都話唔知點解。 但有一點可以肯定既，就係 mobile 版既 Google Assistant 係舊年已經支援廣東話，如今又有用家既 Google Home 突然解鎖成就，咁睇黎家用版既 Google Assistant 繼早前宣佈支援中文（台灣）之後，好快可以迎合香港人既口味，推出廣東話服務。 順便講埋，依架係市場上具有 Google Assistant 既設備，分別有無螢幕版既 Google Home Mini、Nest Mini、JBL Link 20／10，以及有螢幕版既 Google Home、Nest Hub Max、Lenovo Smart Disply，至於各機的分別，可以睇返我地之前既詳細報導：「【詳解＆教學】Google Home 喇叭：香港 Assistant 有廣東話？設定和中文指令」。 轉載自：Techritual.com